Qarabağ iqtisadi zonasında keçirilən lokal xarakterli antiterror əməliyyatları zamanı şəhid olan Baş leytenant Həsənov Kərəm Akif oğlunun və əsgərlər Axundov Murad Xıdır oğlunun, Əliyev Talıb Elman oğlunun, Bədəlov Oruc Arif oğlunun xatirələri Gəncə şəhərində yad edilib.
Gencexeber.az Gəncə Şəhər İcra Hakimiyyətinə istinadən məlumat verir ki, ildönümü mərasimində Şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop, Gürcüstanın Gəncədəki Baş konsulu Qaxaber Abdaladze, YAP Gəncə şəhər təşkilatının sədri Bayram Aslanov, hüquq-mühafizə orqanlarının rəhbərləri, bələdiyyə sədrləri, I Qarabağ və Vətən müharibəsi iştirakçıları və şəhidlərin ailə üzvləri iştirak ediblər.
Mərasim iştirakçıları şəhidlərin məzarlarını ziyarət edib, üzərlərinə tər çiçəklər düzüblər. Şəhidlərimizə Allahdan rəhmət, ailələrinə səbir dilənib.
