FHN-nin Gəncə Regional Mərkəzi xilasedicilərin iştirakı ilə təlim baş tutub. Bu haqda 14 avqust tarixində FHN-ə istinadən xəbər veririk.
Təlim “Dağlıq ərazidə axtarış-xilasetmə vərdişlərinin təkmilləşdirilməsi” mövzusunda keçirilib. Burada şəxsi heyətin dağlıq və çətin keçilən ərazilərdə axtarış-xilasetmə işlərinin aparılması zamanı hazırlıq səviyyəsi yoxlanılıb. Həmçinin müxtəlif əməliyyatlar simulyasiya edilib.
Tədbirin sonunda əldə edilmiş nəticələr müzakirə olunub, müvafiq tapşırıqlar verilib.
