Gəncədə iməcilik baş tutub. Bu haqda 16 avqust tarixində MKTİB-yə istinadən məlumat veririk.
Təmizlik aksiyası Dəmiryolçular parkında təşkil olunub. Buraya Mənzil Kommunal Təsərrüfatı İstehsalat Birliyinin 5, 12 və 13 saylı Ərazi Xidmət Sahələrinin əməkdaşları və qurumun texnikaları cəlb edilib.
Sözügedən ərazi məişət tullantılarından, alaq otlarından, daş, toz-torpaq və xəzəldən təmizlənib. Məişət tullantılarının atılması üçün nəzərdə tutulan müxtəlif tutumlu konteynerlər və zibil qutularının ətrafında səliqə-səhman yaradılıb.
İməcilik çərçivəsində Azərbaycan Xalq Cümhuriyyətinin qurucusu Məmməd Əmin Rəsulzadənin parkdakı büstünün ətrafı da təmizlənib.
Xatırladaq ki, bir neçə gün öncə analoji işlər şəhərin “Xaraba yeri” adlanan ərazisində aparılmışdı.
