Gəncə şəhərində Qəmbər Hüseynlinin heykəlinin önündə uşaq mahnılarından ibarət konsert proqramı keçirilib. Bu haqda 31 may tarixində Apa-ya istinadən xəbər veririk.
Qəmbər Hüseynli adına I "Cücələrim" Uşaq Festivalının ilk günü olub. Uşaq İncəsənət Məktəbi, 1, 2, 3, 4, 5, nömrəli Uşaq Musiqi Məktəbləri, Daşkəsən Uşaq İncəsənət Məktəbi, Naftalan şəhər UMM, Goranboy rayon Düzqışlaq UMM, Səfikürd UMM, Samux şəhər UMM, Samux rayon Qarayeri qəsəbə UMM, Göygöl Aşıq Şəmşir UMM-nin şagirdlərinin iştirakı ilə Qəmbər Hüseynlinin "Cücələrim", "Ay işığında", "İlk məhəbbət", Fikrət Əmirovun "Rəqs", "Skertso", Tofiq Quliyevin "Bağçamız", "Əziz surət", Arif Məlikovun "Lirik mahnı", Polad Bülbüloğlunun "Şən Azərbaycan" mahnıları səsləndirilib.
