Fikrət Əmirov adına Gəncə Dövlət Filarmoniyasında tədbir baş tutacaq. Bu haqda 29 may tarixində Apa-ya istinadən xəbər veririk.
30, 31 may və 1 iyun tarixlərində Azərbaycanda ilk dəfə olaraq, bəstəkarlıq məktəbinin görkəmli nümayəndəsi, Gəncə torpağının yetirməsi, əbədiyaşar Qəmbər Hüseynli adına I "Cücələrim" Uşaq Festivalı keçiriləcək. Festivalın əsas məqsədi uşaqların musiqi dünyasının zənginləşdirilməsi, uşaq mahnılarını təbliğ etməkdir.
Tədbir çərçivəsində uşaq mahnılarından ibarət konsert proqramları, uşaq xorlarının çıxışı, əl işlərindən ibarət sərgi baş tutacaq. 1 iyun - Uşaqların Beynəlxalq Müdafiəsi Günündə Gəncə şəhərində uşaqların musiqi paradı keçiriləcək.
