Gəncə şəhərində müzakirə keçiriləcək. Bu haqda 25 iyun tarixində Coğrafiya İnstitutuna istinadən xəbər veririk.
AR Elm və Təhsil Nazirliyinin akademik H.Əliyev adına Coğrafiya İnstitutunun alimləri – baş direktor professor Zakir Eminov, şöbə müdirləri, professorlar Rza Mahmudov, Əmir Əliyev, dosent Nəriman Paşayev və böyük elmi işçi dosent Etibar Bədəlov şəhərimizdə ezamiyyətdə olublar. Coğrafiyaçı mütəxəssislər yerli alimlər, eləcə də ADPİ-nin baş müəllimi Qalib Səmədovla birlikdə Gəncə Dövlət Universitetinin “Tarix-Coğrafiya” kafedrasının doktorantı Firəngiz Bağırovanın ”Gəncə-Daşkəsən sənaye qovsağında təsərrüfatın səmərəli ərazi təşkilinin iqtisadi-coğrafi aspektləri“ mövzusunda yazdığı dissertasiya işinin şöbə müzakirəsində iştirak edərək, mövzu ətrafında çıxışlar ediblər.
F.Bağırova ölkə üzrə sənaye qovşaqlarının əhəmiyyətindən, ölkə üzrə sənayenin səmərəli ərazi təşkilinin əsas istiqamətləri, sənayenin öyrənilməsinin nəzəri-metodiki əsasları, sənaye qovşaqlarının iqtisadi-coğrafi xüsusiyyətləri və inkişaf problemlərindən bəhs edib. İddiaçı çıxışında Gəncənin sənaye qovşağının təsərrüfat sahələrinin əsas istiqamətləri, infrastruktur sahələrinin ərazi təşkili və inkişaf perspektivləri, sosial-demoqrafik və iqtisadi inkişaf istiqamətləri mövzusunda təhlil aparıb.
