Gəncədə bir sıra küçələrdə lüklər sakinlər üçün təhlükə yaradır. Bu haqda Gencexeber.az-a 12 iyul tarixində məlumat daxil olub.
Söhbət şəhərin Dədə Yediyar, Ziya Bünyadov, Əttarlar küçələri və Atatürk və Şah İsmayıl Xətai prospektlərinin kəsişməsindən gedir. Burada yerləşən lüklər hərəkət iştirakçılarına müxtəlif çətinliklər törədir.
Dədə Yediyar küçəsində üç ədəd qapaqsız artezian quyusu yan-yana yerləşir. Onların üçünün də qapağı yoxdur. Ziya Bünyadov küçəsində lük asfalt örtüyünün səviyyəsindən yuxarıdadır. Atatürk və Şah İsmayıl Xətai prospektlərinin kəsişməsində quyunun qapağının bir hissəsi qırılıb. Əttarlar küçəsindəki lük isə yol səthindən aşağıda yerləşdiyi üçün sakinlər çökəkliyə daş parçaları düzüblər.
Sakinlər bunun təhlükə mənbəyi olduğunu bildirir və aradan qaldırılmasını arzu edirlər.
[modula id="40610"]
