Gəncədə yol kəsişmələrinin birində sakinlər üçün təhlükəli vəziyyət yaranır. Bu haqda Gencexeber.az-a 17 iyul tarixində məlumat daxil olub.
Sözügedən hal şəhərin Dədə Qorqud və Fikrət Əmirov küçələrinin kəsişməsində müşahidə olunur. Sakinlərin sözlərinə görə, bu yolayrıcında tez-tez qəzalar baş verir. Buna səbəb kimi isə işıqforlarların olmaması göstərilir.
Ərazidə iki orta məktəb və bir xəstəxana yerləşir. Buna görə küçədə nəqliyyat vasitələrinin intensiv hərəkəti müşahidə olunur. Sakinlər bildirirlər ki, qəza törədən maşınlardan başqa, yol kənarındakı obyektlərə, park edilmiş avtomobillərə də ziyan dəyir.
Onlar kəsişmədə işıqforun qoyulmasını arzu edirlər.
