Gəncədə bir sıra küçələrin təmirə ehtiyacı var. Bu haqda Gencexeber.az-a 19 iyul tarixində məlumat daxil olub.
Söhbət şəhərin Cavad xan küçəsi, 5 və 6-cı döngələr, Şəddadilər küçəsi ilə Nizami prospektinin kəsişməsi, Xudadat bəy Rəfibəyli, Şota Rustaveli, Həmidə Məmmədquluzadə, Ulduz Rəfili, Mirzə Cəfər Topçubaşov, Mikayıl Müşfiq küçələri və Atatürk prospektindən gedir. Adıçəkilən küçələrin bəzilərində asfalt örtüyü yoxdur, digər qismində isə yolda çökəkliklər əmələ gəlib. Nəticədə yağmurlu hava şəraitində burada gölməçələr yaranır.
“Küçələrin bir çoxunda asfalt örtüyü yararsız hala düşüb. Təmirə ehtiyacı var. Asfaltın çökmüş hissələrində maşının alt hissəsi yerə dəyir, tez-tez ustaya aparmalı oluruq. Bundan başqa, yayda avtomobillər hərəkət edəndə toz qalxır”, - deyə sakinlər bildirirlər.
Onlar küçələrdə yol infrastrukturunun bərpa edilməsini arzu edirlər.
[modula id="41011"]
