Gəncədə küçələrdən biri yarımçıq işıqlandırılır. Bu haqda Gencexeber.az-a 18 iyul tarixində məlumat daxil olub.
Söhbət şəhərin Aşıq Ələsgər küçəsindən gedir. Sakinlərin sözlərinə görə, ərazidə bir müddət öncə yeni işıq dirəkləri quraşdırılıb. Lakin bir həftə sonra küçəni işıqlandıran lampalar sıradan çıxmağa başlayıb. Hazırda ərazinin bir hissəsi gecə vaxtı işıqlandırılır, digəri isə qaranlıqda qalıb.
“Dirəkləri yeni quraşdıranda küçə axşam saatlarında işıqlı olurdu. Rahat gedib-gəlirdik. Amma az vaxtdan sonra lampalar növbə ilə sönməyə başladı. İndi təxminən 100 evi əhatə edən ərazi işıqlandırılır, qalan yerlər isə qaranlığa qərq olur. Bu məsələnin həll olunmasını arzu edirik”, - deyə sakinlər bildirirlər.
