Gəncədə dam və novdanlar təmir olunur. Bu haqda 14 iyul tarixində MKTİB-yə istinadən məlumat veririk.
MKTİB-nin Təmir-Tikinti və Qəza xidməti şöbəsi tərəfindən şəhər ərazisində yaşayış və qeyri-yaşayış binalarının qəzalı vəziyyətdə olan dam örtüklərində və novdanlarında təmir işləri aparılır. Şəhərin Gülüstan qəsəbəsi 1, 6 və 11 saylı, Yeni Gəncə və Mahrasa bağı yaşayış massivində 34, 64 və 10 saylı, Cavadxan və Ozan küçəsində 9, 71 və 104 saylı, Məmməd Rəhimov küçəsində 6 saylı, Məhəmməd Sədi küçəsində 33 saylı, Vəli Xuluflu küçəsində 2 saylı, Həsən Əliyev küçəsində 55 saylı, Şahmuradov küçəsində 11 saylı, 3-cü mikrorayon ərazisində 16 saylı yaşayış binalarının sakinləri tərəfindən müraciətlər olunub.
Sözügedən yaşayış binalarının novdanlarındakı və dam örtüklərindəki nasazlıqlar təmir edilib, yararsız hala düşən novdanlar yenisi ilə əvəzlənib. Aparılan təmir, bərpa işlərinə MKTİB-nin xüsusi texnikaları və canlı qüvvəsi cəlb olunub.
