Gəncədə festival keçiriləcək. Bu haqda 6 iyul tarixində Apa-ya istinadən məlumat veririk.
Çay festivalı “Azerçay”ın təşkilatçılığı ilə 10, 11, 12 iyul tarixlərində Gəncə şəhər “Bayraq meydanı”nda baş tutacaq. Tədbir İcra Hakimiyyətinin dəstəyi ilə keçirilir. Burada müxtəlif maraqlı guşələr yaradılacaq və əyləncəli proqramlar təşkil ediləcək.
Tədbirin aparıcısı Sənan Şəfizadə olacaq. Konsert proqramında tanınmış ifaçılar Ədalət Şükürov, Ayaz Babayev, Elsevər Muradov, “East or West”, “Nənələr” qrupu və digər müxtəlif rəqs qrupları çıxış edəcəklər.
Festival iştirakçıları, həmçinin “Azerçay” markasının çaylarından dada biləcəklər.
