Gəncədə avtobus biletlərinin qiymətində dəyişiklik olub. Bu haqda Gencexeber.az 26 iyul tarixində məlumat verir.
Carı ilin fevral ayında şəhərlərarası sərnişindaşımada qiymət artımı zamanı “Bakı-Gəncə” reysi üzrə qiymət 10 manat 40 qəpik təyin edilmişdi. Yaxın günlərdə həmin marşrut üzrə fəaliyyət göstərməyə başlayan “Baku Bus” şirkəti sözügedən reys üzrə yeni qiyməti açıqlayıb: gediş haqqının 13 manat 10 qəpik olaraq müəyyən edildiyi bildirilib.
Bununla bağlı redaksiyamız Azərbaycan Yerüstü Nəqliyyat Agentliyinin (AYNA) biletlərin satışı üçün istifadəyə verdiyi “biletim.az” portalına daxil olaraq, qiymətlərə nəzər yetirib. Burada isə “Bakı-Gəncə” reysi üzrə qiymətlər 13 manat 29 qəpik göstərilib.
Qiymət artımı və onun qüvvəyə minmə tarixi ilə bağlı “Baku Bus” və “AYNA”ya rəsmi açıqlama üçün müraciət etdik. Lakin qurumlardan müvafiq dəyişimlə əlaqədar cavab verilmədi.
Beləliklə, biletlərin qiymətinin 3 manata yaxın artımının nə vaxtdan olduğu məlum deyil.
[modula id="62689"]
