Gəncədə multidissiplinar konfrans keçiriləcək. Bu haqda 5 iyun tarixində Gəncə Şəhər Birləşmiş Xəstəxanasına (ŞBX) istinadən məlumat veririk.
Konfrans “17 İyun Tibb İşçilərinin Peşə Bayramı Günü”nə həsr edilib. Tədbir 13-14 iyun tarixlərində Gəncə Dövlət Filarmoniyasında baş tutacaq.
“Heydər Əliyev İli” çərçivəsində baş tutacaq konfransda Gəncə ŞBX-nin mütəxəssisləri ilə yanaşı, Bakı və Gəncə şəhərlərindəki özəl tibb müəssisələrindən dəvət olunmuş həkimlər iştirak edəcəklər.
