Gəncədə tələbələrlə görüş keçiriləcək. Bu haqda 5 oktyabr tarixində “Azercell”ə istinadən məlumat veririk.
“Azercell” əməkdaşları Nizami yurduna səfər edəcəklər. Burada 17 oktyabr tarixində tələbələrlə görüş baş tutacaq. Gənclərə təqaüd proqramı haqda məlumat veriləcək.
Şirkət “Tələbə Təqaüdü Proqramı 2024” üçün qeydiyyat açıb. “Azercell” proqram çərçivəsində seçilmiş 10 tələbəyə aylıq 300 manat məbləğində təqaüd təqdim edəcək. Bura İnformasiya Texnologiyaları, Kibertəhlükəsizlik, Biznes Analitikası, Data Elmi, Marketinq sahələri üzrə müxtəlif ali təhsil müəssisələrində bakalavr təhsili alan sonuncu 2 kursun (III və IV, və ya IV və V kurslar) tələbələri müraciət edə bilərlər. Namizədlərin son 2 kurs qiymətləri A və ya B (5 və ya 4) olmalıdır.
Əlavə məlumat üçün telebe@azercell.com elektron ünvanına müraciət etmək lazımdır.
