Sosial Xidmətlər Agentliyi Gəncə şəhərindəki 4 saylı uşaq evi sosial xidmət müəssisəsində tərbiyə alan uşaqlar üçün tədbir keçirib. Bu haqda 3 avqust tarixində Qafqazinfo.az-a istinadən xəbər veririk.
“Azercell Telekom” MMC “Kitab Klubu” layihəsi çərçivəsində baş tutan tədbirdə azyaşlılar Azərbaycan uşaq ədəbiyyatının parlaq nümunələri ilə tanış olub, maraqlı müzakirələrdə iştirak ediblər. Sonda “Azercell” tərəfindən uşaq evinin kiçik sakinlərinə hədiyyələr paylanılıb.
Lider mobil operator “Kitab Klubu” layihəsi əsnasında həm böyüklər, həm də balacalar üçün silsilə tədbirlərin keçirilməsini planlaşdırır. Xatırladaq ki, layihəyə 1 iyun – Uşaqların Beynəlxalq Müdafiəsi Günü münasibətilə 3 saylı uşaq evi sosial xidmət müəssisəsinin uşaqları üçün həyata keçirilən tədbirdə start verilib.
