Gəncədəki universitetlərin birinin nümayəndəsi təcrübə səfərində iştirak edib. Bu haqda 26 aprel tarixində ATU-ya istinadən xəbər veririk.
Azərbaycan Texnologiya Universitetinin layihə meneceri və Tədris işləri üzrə prorektor doktor Raqif Hüseynov Danimarka Krallığının Danimarka Texniki Universitetində olub. Səfərin əsas məqsədi yerli tərəfdaş univeristetlərin alternativ və bərpa olunan enerji sahəsi üzrə mövcud kurikulumların təkmilləşdirilməsi, innovativ yönümlü istiqamətləndirilməsidir.
Tədbirdə xarici təlimçilər Mads Peter Sorensen, Jalal Kazempour, Per Sieverts Nielsen, Martin Brynskov, Ivano Eligio Castelli, Henrik Madsen və digərləri iştirak ediblər. Onlar universitetin bərpa olunan enerji mənbələri, bərpa olunan enerji istehsalının proqnozlaşdırılması (külək, günəş, su) və istehlakçı aspektindən uyğunlaşma, dayanıqlı enerji texnologiyaları üzrə mühəndislik ixtisasları üzrə bakalavr və magistratura proqramlarını təqdim ediblər.
Qeyd edək ki, səfər “Azərbaycan Universitetlərində Yaşıl və Dayanıqlı İqtisadiyyatın Təkmilləşdirilməsi: Bərpa Olunan Enerji və İqlim Dəyişikliklərinin Azaldılması - REFRESH” layihəsi çərçivəsində keçirilib.
