Gəncədə tələbələrə xaricdə təhsil almaq imkanı yaradılıb. Bu haqda 4 oktyabr tarixində Azərbaycan Texnologiya Universitetinə istinadən xəbər veririk.
Azərbaycan Texnologiya Universiteti gənclərə İspaniyanın Qranada Universitetində təhsil almaq imkanı təklif edir. Universitetin I kurs magistr tələbələri Erasmus+ proqramı ilə bir semestr müddətinə ingilis dilində təhsil ala bilərlər. Həmin gənclərin bütün xərcləri proqram tərəfindən ödəniləcək.
Tələbələrin seçimi ÜOMG və müsahibə meyarları əsasında aparılacaq. Qatılmaq istəyən tələbələr 20 oktyabr tarixinədək Beynəlxalq əməkdaşlıq şöbəsində (II korpus, otaq 2316) qeydiyyatdan keçməlidirlər.
Ətraflı məlumat almaq istəyənlər (022) 257 35 78 nömrəsi ilə əlaqə saxlaya bilərlər.
