Gəncədə universitetlərdən birində məlumatlandırma günü keçirilib. Bu haqda 29 aprel tarixində ATU-ya istinadən xəbər veririk.
Təhsil Tələbə Krediti Fondu tərəfindən Azərbaycan Texnologiya Universitetində məlumatlandırma günü təşkil edilib. Burada TTKF-nin nümayəndəsi Günay Xəlilova tələbələrə Təhsil Tələbə Kreditinin növləri, müraciət qaydası, şərtlər, güzəştlər, ödəniş dövrü, üstünlükləri və digər məsələlər barədə məlumat verib.
Əsasən, l kurs tələbələri ilə baş tutan görüşdə ATU-nun Təhsil Tələbə Krediti üzrə məsul şəxsi Vüsal Bayramov iştirak edib. Sonda tələbələrin sualları cavablandırılıb.
