ASAN könüllülərinin ifasında konsert proqramı baş tutub. Bu barədə 21 iyul tarixində “ASAN könüllüləri”nə istinadən xəbər veririk.
1 və 2 saylı Gəncə regional “ASAN xidmət” mərkəzləri üzrə könüllülərin təşkilatçılığı ilə “Sən elə bir zirvəsən” adlı musiqili konsert proqramı keçirilib. Tədbirdə Yeni Azərbaycan Partiyasının Gəncə şəhər təşkilatının sədri Bayram Aslanov, İcra Hakimiyyəti başçısının müavini Adil Tağıyev, Göygöl rayon İcra Hakimiyyəti başçısının müavini Arzu Qocayev, Gəncə şəhər “ASAN Könüllüləri” Təşkilatının sədri Anar Musayev, Vətəndaşlara Xidmət və Sosial İnnovasiyalar üzrə Dövlət Agentliyinin sədr müavini Ceyhun Salmanov iştirak ediblər.
Konsertdə könüllülər müxtəlif musiqi nömrələri nümayiş etdiriblər. Sonda təşkilatçılara təşəkkürnamələr təqdim olunub.
