Gəncədə sahibkarlarla görüş baş tutub. Bu haqda 14 avqust tarixində AQTA- ya istinadən məlumat veririk.
Tədbir Azərbaycan Qida Təhlükəsizliyi İnstitutu (AQTİ) tərəfindən keçirilib. Təlim “Qida sahəsində gigiyena tələbləri” mövzusunda təşkil olunub. Burada sahibkarlıq subyektlərinin əməkdaşları iştirak ediblər.
Təlimdə sahibkarlıq subyektlərinin əməkdaşları “Qida təhlükəsizliyi haqqında” Qanun və ondan irəli gələn tələblər haqqında ətraflı məlumat verilib. İştirakçılara müəssisələrdə qida məhsullarının qəbulu, emalı, saxlanması, daşınması zamanı gigiyena qaydalarının tətbiqi, təhlükəli amillər, çirklənmə növləri və digər məsələlər barədə danışılıb.
Sonda müzakirələr aparılıb və iştirakçıların mövzu ilə bağlı bilik səviyyəsi qiymətləndirilib.
