Gəncədə iki müəssisənin əməkdaşlarının görüşü keçirilib. Bu haqda 5 oktyabr ATU-ya istinadən xəbər veririk.
Azərbaycan Texnologiya Universiteti ilə Azərbaycan Qida Təhlükəsizliyi İnstitutu (AQTİ) arasında görüş keçirilib. Tədbir ATU-da baş tutub. Görüşdə AQTİ-nin əməkdaşları Hüseyn Məmmədov və Tünzalə Qocayeva, ATU-nun nümayəndələri Yaşar Ömərov, Raqif Hüseynov, Mehman İsmayılov və Əhəd Nəbiyev iştirak ediblər. Onlar müvafiq istiqamət üzrə kadr hazırlığı və birgə tədqiqatların aparılması barədə danışıblar.
Tədbirdə AQTİ əməkdaşlarının Qida mühəndisliyi fakültəsinin tələbələri ilə görüşü baş tutub. Gənclərə müasir infrastruktura malik laboratoriyalar, qida təhlükəsizliyi, heyvan və bitki sağlamlığı, kompleks tədqiqatlar üzrə elmi-praktik araşdırmalar, tədqiqatlar, laborator analizlər və sınaq işləri barəsində məlumat verilib.
Görüşün sonunda tələbələrin sualları cavablandırılıb.
