Gəncədə küçələrdən birində zibil qutuları mövcud deyil. Bu haqda Gencexeber.az-a 6 iyul tarixində məlumat daxil olub.
Söhbət şəhərin Şahsevənlər küçəsindən gedir. Burada küçə boyunca məişət tullantılarının atılması üçün konteynerlər yerləşdirilməyib. Nəticədə sakinlər axşam saatlarında zibil paketlərini evlərinin qarşısında avtomobil yolunun qırağına qoyurlar.
“Gecə vaxtı it və pişiklər paketləri cırıb içindən yemək üçün nəsə axtarırlar. Buna görə bütün zibil dağılır ətrafa. Küçədə bir neçə konteyner qoyulsa, yaxşı olar”, - deyə onlar bildiriblər.
