Gəncə təmsilçisinin məşqçisi oyunla bağlı fikirlərini paylaşıb. Bu haqda 23 iyul tarixində futbol klubuna istinadən məlumat veririk.
Bir müddət öncə “Kəpəz”in “Əl-Yarmuk” klubu ilə yoxlama matçının nəticələrini paylaşmışdıq. “Sarı-göylər”in qələbəsi azarkeşlərin sevincinə səbəb olub.
Komandanın baş məşqçisi Adil Şükürovun sözlərinə görə, yeni idmançılar özlərini yaxşı tərəfdən göstəriblər.
"Hazırlıq dövrü olduğu üçün futbolçularda fiziki yüklənmə var. Bu, oyunda da hiss olunurdu. Bəzi epizodlarda futbolçuların çatdırmamasının səbəbi də məhz budur. Əsas hədəfimiz çempionata yaxşı hazırlaşmaqdır. Bu yöndə məşqlərimiz davam edir. Çempionatın startına kimi komanda 70-80 faiz hazır olacaq. Yeni gələn oyunçular özlərini yaxşı tərəfdən göstərə bildilər. Onları bir daha bəyəndik. Bu tempdə davam etsələr, inanıram ki, komandaya çox böyük faydaları dəyəcək", - deyə mütəxəssis qeyd edib.
