Gəncədə tələbələr üçün yeni layihə təşkil olunacaq. Bu haqda 29 aprel tarixində ADAU-ya istinadən məlumat veririk.
Azərbaycan Dövlət Aqrar Universitetində "ADAU StartUp School 2024" layihəsi həyata keçiriləcək. "Yaşıl Dünya Naminə Həmrəylik İli"nə həsr olunmuş proqram təhsil ocağının İnnovasiyalar Mərkəzinin təşkilatçılığı ilə baş tutacaq.
Layihədə 4 kateqoriya üzrə ideyaların qəbulu həyata keçiriləcək. Burada 2 aylıq təlimlər təşkil olunacaq və sonda tələbələr ideyalarını formalaşdıraraq təqdimat edəcəklər. Məktəbi uğurla bitirən startapların gələcəkdə maliyyələşdirilməsi və inkubasiya proqramından keçirilməsi mümkün olacaq.
Maraqlanan tələbələr 15 may tarixinədək aşağıdakı link vasitəsilə qeydiyyatdan keçə bilərlər:
https://forms.gle/ZSAQSAWBgm8Ztvbr9.
Proqramın məqsədi gəncləri startap sahəsində məlumatlandırmaq və startap ideyalarını üzə çıxarmaqdır.
