Gəncədə təhsil alan gənclər müəssisədə qonaq olublar. Bu haqda 24 iyul tarixində AQTA-ya istinadən məlumat veririk.
Azərbaycan Qida Təhlükəsizliyi İnstitutu (AQTİ) tərəfindən Azərbaycan Dövlət Aqrar Universitetində baytarlıq və əczaçılıq ixtisasları üzrə bakalavr təhsili alan tələbələr və həmin ixtisaslar üzrə təhsilini son 5 ildə başa vurmuş məzunlar üçün təlim-təcrübə kursu təşkil olunur. Məqsəd müvafiq sahələr üzrə kadr potensialının artırılması, gənc və perspektivli baytarlarla əczaçıların işə qəbulu və kadr ehtiyaclarının ödənilməsidir.
Kurs çərçivəsində tələbə və məzunlar AQTİ-nin Mərkəzi Baytarlıq Laboratoriyası ilə tanış olublar. Daha sonra iştirakçılara AQTİ tərəfindən baytarlıq-sanitariya sahəsində aparılan elmi-tədqiqatlar haqqında ətraflı məlumat verilib. Elmi araşdırmalar zamanı referans məlumatlarla işləmək, tədqiqat zamanı diqqət edilməsi vacib məqamlar tələbə və məzunların nəzərinə çatdırılıb. Həmçinin qonaqları maraqlandıran suallar mütəxəssislər tərəfindən cavablandırılıb.
