Gəncədə yerləşən Azərbaycan Dövlət Aqrar Universiteti Dövlət İmtahan Mərkəzinin təşkil etdiyi sərgidə təmsil olunur. Bu haqda 2 avqust tarixində ADAU-ya istinadən xəbər veririk.
Sərgi mərkəzin elektron imtahanlar korpusunda təşkil olunur. Burada ziyarətçilər ali təhsil müəssisələrinin nümayəndələri ilə birbaşa ünsiyyət quraraq ixtisaslar, tədris proqramları, maddi-texniki baza, təhsil haqqı, güzəştlər, təqaüd proqramları və digər məsələlərlə bağlı onları maraqlandıran suallara cavab tapmaq imkanına malikdirlər.
Sərgidə abituriyentlərlə yanaşı, onların valideynləri də iştirak edə bilərlər. İştirakçılar qeydiyyat zamanı onlara uyğun tarix və saatı seçə bilərlər. Bundan əlavə, bəzi ali təhsil müəssisələri ayrıca olaraq əvvəlcədən təyin olunmuş zallarda və saatda daha geniş formada təqdimat nümayiş etdirmək imkanına malikdirlər.
