Gəncədə universitet xarici tələbələrin qəbuluna başlayır. Bu haqda 25 iyul tarixində ADAU-ya istinadən məlumat veririk.
Azərbaycan Dövlət Aqrar Universiteti yeni tədris ilinə əcnəbi və vətəndaşlığı olmayan şəxslər üçün tələbə qəbulu elan edir. Namizədlərin müraciətləri portal.edu.az saytı üzərindən olunur.
Proses təhsil ocağında yaradılan Qəbul komissiyası tərəfindən həyata keçirilir. Burada məqbul olaraq qiymətləndirilmiş əcnəbilər universitet təhsil haqlarının ödənilməsi mərhələsinə keçirlər. Daha sonra tələbə adı qazanmış namizədlər universitetə gəldikdə fərdi qaydada hazırlanmış müqavilə imzalayaraq, müvafiq əmr ilə tələbələr sırasına qəbul edilirlər.
Tələb olunan sənədlər və ən çox verilən sualların cavabları ilə tanış olmaq üçün aşağıdakı linkə daxil olmaq lazımdır:
Qeyd edək ki, son müraciət tarixi 10 sentyabrdır.
