Gəncədə tələbələr dərsi açıq havada keçiblər. Bu haqda 27 aprel tarixində ADAU-ya istinadən məlumat veririk.
Azərbaycan Dövlət Aqrar Universitetinin Aqronomluq fakültəsinin IV kurs tələbələrinin "Suvarılan ərazilərdə alaq bitkilərinin idarə olunması və torpaqbecərmənin təşkili" mövzusunda dərsi təhsil ocağının tədris-təcrübə təsərrüfatında təşkil olunub.
Burada ümumi əkinçilik, genetika və seleksiya kafedrasının dosenti Elxan Allahverdiyev gənclərə dənli taxıl bitkiləri sahələrində alaq otlarının iqtisadi ziyanlı həddinin əyaniliklə müəyyən edilməsini və torpaqbecərmə texnologiyasını praktiki formada göstərib. Həmçinin tələbələrin sualları cavablandırılıb.
