Gəncədə elm xadiminin yubileyi qeyd olunub. Bu haqda 14 iyul tarixində İcra Hakimiyyətinə istinadən məlumat veririk.
İcra başçısı Niyazi Bayramov Əməkdar elm xadimi, AMEA-nın müxbir üzvü, Gəncə Dövlət Universitetinin Botanika kafedrasının müdiri, biologiya elmləri doktoru professor Vaqif Novruzovla görüşüb. Şəhər rəhbərliyi onu 80 illik yubileyi münasibətilə təbrik edib.
Burada Novruzovun səmərəli elmi fəaliyyətinə nəzər salıb, Azərbaycan elminin inkişafındakı xidmətlərindən söz açıblar. Bildirilib ki, Vaqif Novruzov botanikanın praktiki, metodiki və nəzəri problemlərinə həsr olunmuş 250 elmi əsərin, o cümlədən 7 monoqrafiya, 3 dərslik, 7 dərs vəsaiti, metodiki göstəriş və problem mühazirələrin müəllifidir. Onun elmi məsləhətçiliyi və rəhbərliyi ilə 3 nəfər elmlər, 23 nəfər fəlsəfə doktoru hazırlanıb.
Yubilyar Gəncə şəhərində elmin və təhsilin inkişafına verdiyi töhfəyə görə icra başçısının Təşəkkürnaməsi, Heydər Əliyev irsinin təbliğində xüsusi xidmətlərinə, partiyanın tərəqqisinin və şöhrətinin artmasına töhfə verən səmərəli fəaliyyətinə görə YAP Gəncə şəhər təşkilatının Fərxi Fərmanı ilə təltif olunub.
