Gəncə şəhər başçısının 2 saylı Uşaq Bağçasının uşaqları ilə görüşü olub. Bu haqda 25 iyun tarixində İcra Hakimiyyətinə istinadən xəbər veririk.
Görüşdə Regional Təhsil İdarəsinin müdiri Anar Qədiməliyev, İcra Hakimiyyəti başçısı Aparatının, Regional Təhsil İdarəsinin məsul əməkdaşları iştirak ediblər.
Anar Qədiməliyev körpə fidanlar adından Niyazi Bayramovu 23 İyun – Dövlət Qulluqçularının Peşə Bayramı münasibətilə təbrik edib, şəhər rəhbərinə bu şərəfli və məsuliyyətli işdə uğurlar diləyib. Sonda uşaqlar öz əlləri ilə hazırladıqları Azərbaycan xəritəsini Niyazi Bayramova hədiyyə ediblər. İcra başçısı da körpə fidanlara öz hədiyyəsini təqdim edib.
