Gəncə-Daşkəsən Regional Mədəniyyət İdarəsi tədbir təşkil edib. Bu haqda 22 iyul tarixində Mərkəzləşdirilmiş Kitabxana Sisteminə istinadən xəbər veririk.
“Azərbaycan mətbuatının keçdiyi zəngin və şərəfli inkişaf yolu” başlığı altında tədbir baş tutub. Burada Vətən müharibəsi şəhidlərinin xatirəsi bir dəqiqəlik sükutla yad edilib. Daha sonra “Azərbaycan mətbuatının keçdiyi zəngin və şərəfli inkişaf yolu” adlı videoçarx nümayiş olunub.
Tədbirdə dövrünün görkəmli ziyalısı Həsən bəy Zərdabinin 22 iyul 1875-ci ildə nəşr etdirdiyi “Əkinçi” qəzeti ilə əsası qoyulmuş Azərbaycan milli mətbuatının bütün dövrlərdə həqiqət carçısı olmasından, cəmiyyəti düşündürən problemləri, dövrün mütərəqqi ideyalarını əks etdirməsindən, xalqımızı maarifləndirməsindən, milli və bəşəri dəyərlərin təbliğində mühüm rol oynamasından söhbət açılıb.
