“Kəpəz”in keçmiş oyunçusunun kluba pulsuz qaytarılması təklifindən imtina olunub. Bu haqda 20 iyul tarixində Sportinfo.az xəbər verib.
Söhbət Gəncə klubunun yetirməsi olan Zahid Mərdanovdan gedir. “Şamaxı” müdafiəçisini “Kəpəz”ə pulsuz qaytarmaqdan imtina edib. Mərdanovun dönüşünü rəsmiləşdirmək üçün qarşı tərəf 25 min manat təzminat istəyib.
Qeyd edək ki, ötən mövsümün ilk yarısında futbolçu keçmiş baş məşqçi Tərlan Əhmədovla yaşadığı problem səbəbindən “Kəpəz”in əsas komandasından uzaqlaşdırılmışdı. Zahidlə yanaşı, həmin vaxt əvəzedici heyətə göndərilən və daha sonra “Şamaxı”ya keçən Əli Səmədov isə artıq yenidən doğma klubuna dönüb.
