Gəncədə növbəti hərrac keçiriləcək. Bu haqda 15 iyul tarixində Əmlak Məsələləri Dövlət Xidmətinə istinadən məlumat veririk.
Şəhərdə yerləşən kiçik dövlət obyektinin təkrar hərracı 15 avqust saat 10:00-da baş tutacaq. Sözügedən ikimərtəbəli istehsal sexi Zərifə Əliyeva küçəsi, 2-ci döngə, bina 10 ünvanında yerləşir. Obyektin ümumi faydalı sahəsi 1160,8 kvadratmetrdir. Əmlakın hərraca çıxarılan ilkin satış qiyməti 156.250 manatdır.
Auksion Zərifə Əliyeva küçəsi, 3 ünvanında keçiriləcək. Ətraflı məlumat üçün (022) 256 13 76 nömrəsi ilə əlaqə saxlamaq olar.
