Yeni Azərbaycan Partiyasının Gəncə şəhər təşkilatının sədri postunda dəyişiklik baş verib. Bu haqda 17 mart tarixində Apa.az-a istinadən xəbər veririk.
Yeni Azərbaycan Partiyası (YAP) Gəncə şəhər təşkilatının sədri Ramil Orucov vəzifədən azad edilib. Qərar YAP İdarə Heyətinin videokonfrans formatında keçirilən iclasında qəbul edilib.
Qeyd edilib ki, Gəncə şəhər təşkilatının sədri Ramil Orucovun səhhəti ilə əlaqədar tutduğu vəzifədən azad edilməsi barədə ərizəsinə baxılıb və müvafiq qərar qəbul edilib. YAP idarə heyətinin üzvləri Musa Quliyev və Eldar İbrahimov R.Orucova şəfa diləyərək partiyadakı fəaliyyətinə görə təşəkkürlərini bildiriblər.
