Gəncədə Yaşıl Şəhər Fəaliyyət Planı üzrə ilkin qiymətləndirmə hesabatı təqdim olunub. Bu haqda 30 mart tarixində İcra Hakimiyyətinə istinadən məlumat veririk.
Heydər Əliyev Mərkəzində baş tutan tədbirə icra başçısının birinci müavini, YŞFP layihəsinin şəhər üzrə koordinatoru Səməd Tomuyev, icra başçısının müavini Kamran Məhərrəmov, YŞFP-nin ölkə üzrə rəhbəri Yaşar Kərimov, Gəncə YŞFP üzrə layihə rəhbəri Katalina Qalleqo, Gəncə YŞFP üzrə komanda rəhbəri Jon Barber, ekspert qrupunun üzvləri və maraqlı tərəflər qatılıblar.
Jon Barber Yaşıl Şəhər Fəaliyyət Planının hazırlanması istiqamətində bu günədək görülən işlər barədə məlumat verib, ilkin qiymətləndirmə hesabatını təqdim edib. Daha sonra təklif olunan strateji baxış və hədəflər, eyni zamanda fəaliyyətlər siyahısı nəzərdən keçirilib.
Görüş ekspert qrupunun üzvlərinin və maraqlı tərəflərin iştirakı ilə keçirilən tematik sessiyalarla davam edib.
