Qafqazın qədim və zəngin parkında - Xan Bağında Mənzil Kommunal Təsərrüfatı İstehsalat Birliyi (MKTİB) tərəfindən təmizlik aksiyası keçirilib.
Gencexeber.az bildirir ki, parkın mövcud yaşıllıq zolağına aqrotexniki qulluq göstərilməklə yanaşı, istirahət məkanında sağlam iqlimin qorunub saxlanılması istiqamətində bir sıra işlər həyata keçirilib.
Belə ki, MKTİB-nin xüsusi texnikaları və canlı qüvvəsi tərəfindən parkın döşəmələri, oturacaqları, fəvvarələri, gül qabları, yuyulub. Bundan başqa parkın ərazisində mövcud olan xalq şairi Nigar Rəfibəylinin abidəsinin ətrafında da təmizlik işləri görülüb.
6.5 hektarlıq ərazini əhatə edən və şəhərin havasının saf qalmasında, yay mövsümündə insanları qızmar günəşdən, qışda isə soyuq hava kütlələrindən qorumasında müstəsna rol oynayan Xan Bağı gəncəlilərin, eləcə də şəhərimizin qonaqlarının ən sevimli istirahət məkanlarından biridir.
[caption id="attachment_80064" align="alignnone" width="696"]
[/caption]
[caption id="attachment_80063" align="alignnone" width="696"]
[/caption]
[caption id="attachment_80062" align="alignnone" width="696"]
[/caption]
