Mədəniyyət Nazirliyi, Elm və Təhsil Nazirliyi, Heydər Əliyev Mərkəzinin birgə təşkilatçılığı ilə keçirilən Uşaq İncəsənət Festivalı – 2025 Azərbaycanın müxtəlif bölgələrindən 6-17 yaş aralığında olan, yaradıcılıq bacarıqlarına güvənən bütün uşaqları peşəkar və həvəskar kateqoriyalar üzrə festivalda iştiraka dəvət edir.
Gencexeber.az Gəncə-Daşkəsən Regional Təhsil İdarəsinə istinadən məlumat verir ki, 19 fərdi, 5 kollektiv nominasiya olmaqla, üç yaş qrupunda (6-9 yaş, 10-13 yaş, 14-17 yaş), ümumilikdə 24 nominasiya üzrə keçirilən bu festivalda istedadınızı nümayiş etdirərək festivalın parlayan ulduzuna çevrilmək fürsəti əldə edəcəksiniz.
İştirak üçün qeydiyyat bu gündən etibarən mart ayının 31-dək www.uif.az saytı vasitəsilə aparılacaq.
Festival üç mərhələdən ibarətdir:
Aprel-İyun – Rayon/şəhər mərhələsi
İyul-Avqust – Regional mərhələ
Sentyabr – Final mərhələsi
Finala vəsiqə qazananlar peşəkar münsiflər heyəti tərəfindən qiymətləndiriləcək.
