Türkiyə Respublikasının Gəncə şəhərindəki Baş konsulu Recep Öztop "Kəpəz" futbol klubunun qonağı olub.
Gencexeber.az bildirir ki, Recep Öztopa "Kəpəz" futbol akademiyasının fəaliyyəti və son dövrlərdə infrastruktur sahəsində görülən işlər barədə ətraflı məlumat verilib.
Görüş zamanı klubun icraçı direktoru Ruslan Məmmədov baş konsul Recep Öztopa "Kəpəz"in formasını hədiyyə edib.
Sonda tərəflər gələcəkdə qarşılıqlı əməkdaşlığın inkişaf etdirilməsi, idman və futbol sahəsində birgə təşəbbüslərin həyata keçirilməsi ilə bağlı fikir mübadiləsi aparıblar.
Baş konsul komandanın məşqini də izləyib, futbolçulara qarşıdakı oyunlarda uğurlar arzulayıb və Gəncə stadionunda "Kəpəz"in oyunlarını canlı izləyəcəyini bildirib.
