Əlimərdanlı kəndində baş verən qəzada xəsarət alan şəxslərin kimliyi müəyyən edilib.
Gencexeber.az bildirir ki, qəzada 1965-ci il təvəllüdlü Yusifov Vilayət İbrahim oğlu, 1991-ci il təvəllüdlü Tağızadə Elnur Qəhrəman oğlu, 1999-cu il təvəllüdlü Tağıyev Elvir Elçin oğlu və 2008-ci il təcəllüdlü Tağıyev Elmin Elçin oğlu yaralanıb. Yaralılar Tovuz rayon Mərkəzi Xəstəxanasına yerləşdirilib.
Məlumat üçün qeyd edək ki, qəzada 1955-ci il təvəllüdlü Əlimərdanlı kənd sakini Tağıyev Həmid Şirin oğlu həyatını itirib.
23:23
Tovuz rayonunda bir nəfərin ölümü, daha bir nəfərin yaralanması ilə nəticələnən yol qəzası baş verib.
Gencexeber.az bildirir ki, hadisə rayonun Əlimərdanlı kəndində baş verib. "BMW" markalı avtomobil "VAZ 2107" ilə toqquşub.
Nəticədə avtomobillərdən biri yol kənarında dayanan yaşlı kişini vururaq öldürüb. Bundan əlavə avtomobildə olan daha bir nəfər xəsarət alıb.
Hadisə yerinə hüquq-mühafizə orqanı əməkdaşları cəlb olunub. Faktla bağlı araşdırma başlanılıb.
