Gəncədə şəhid övladı tələbə adını qazanıb. Bu haqda 31 avqust tarixində Oxu.az-a istinadən məlumat veririk.
Azərbaycanın İrandakı səfirliyinə edilən terror hücumu zamanı şəhid olan mühafizə xidmətinin rəisi Orxan Əsgərovun atası Rizvan Əsgərov sevincini paylaşıb. O, bildirib ki, nəvəsi Aysu Orxan qızı Əsgərlinin adı tələbələrin siyahısındadır. Şəhidin övladı Türkiyədə Uludağ Universitetinin Tibb fakültəsinə qəbul olub. Burada Aysu tam təqaüdlə oxuyacaq.
“Orxanın arzusu idi ki, qızı tibb sahəsində olsun. Atasının arzusunu gerçəkləşdirdi”, – deyə Rizvan Əsgərov qeyd edib.
