Gəncədə məhv olmaqda olan tarixi binaya Gəncə Dövlət Universitetinin müəllimi reaksiya verib.
Gencexeber.az məlumat verir ki, tarixçi Bəxtiyar Çələbi Gəncə şəhərində yerləşən Zağalı Qəhrəman ağanın mülkü olmuş binanın dağılmasına sərt reaksiya göstərib. Bununla bağlı o, sosial şəbəkə hesabında paylaşım edib:
“Tariximizi sökənlər! Ayrı nə deyəsən buna?!”.
Qeyd edək ki, Gəncənin memarlıq incilərindən sayılan qırmızı kərpiclə üzlənən bu tikili şəhərin mərkəzində Atatürk prospektində yerləşir. Xüsusi mülkiyyətdə olan bina Gəncə Şəhər İcra Hakimiyyətinin və digər yerli dövlət qurumlarının balansında deyil.
