Gəncədə ailə qohumları tərəfindən təhdid olunduğunu bildirir. Bu haqda 13 iyul tarixində Qafqazinfo-ya istinadən məlumat veririk.
14 avqust 2022-ci ildə 59 yaşlı Dilqəm Abdullayev intihar edib. Mərhumun oğlu Şücaət Abdullayev bildirir ki, intiharın səbəbi ilə barışmaq istəməyən bəzi qohumlar (atasının bacıları, qardaşları, əmisi oğlanları və sair) onlara hədə-qorxu gəlirlər, yaşadıqları Gülüstan qəsəbəsindəki evə basqın edirlər. O, əsasən, atasının Kəlbəcər rayon 115 saylı orta məktəbin direktoru vəzifəsində işləyən əmisi oğlu Knyaz Abdullayevin hadisənin səbəbi ilə razılaşmaması səbəbindən onlarla münaqişə yaratdığını, onları söydüyünü və hədələdiyini bildirib:
“Atam başqa bir qohumumuzun yetkinlik yaşına çatmayan qızına qarşı səhv hərəkət etmişdi. Bu hadisə üzə çıxandan az sonra özünü asaraq intihar etdi. Hadisə ilə bağlı Gəncə Şəhər Prokurorluğunda araşdırma aparıldı və araşdırma zamanı hadisənin səbəbi kimi atamın etdiyi seksual xarakterli hərəkətlərin məlum olmasından sonra onun özünə qəsd etməsi müəyyən edildi. Prokurorluq cinayət işinin açılmasını rədd etdi”.
Şücaətin sözlərinə görə, bir çox qohumlar bununla razılaşmayıblar. “Onlar mənim, anamın, yoldaşımın fərqli ifadə verməyimizi tələb edirlər. Guya atam mənim yoldaşımı, yəni öz gəlinini başqa şəxslə birgə olarkən görüb və bundan sonra təzyiqlərə tab gətirməyərək intihar edib. Əslində isə elə bir hal olmayıb, onlar mənim ailəmi dağıtmaq, yoldaşımı biabır etmək istəyirlər. Əmim Elxan Abdullayev telekanallara çıxaraq mənim və ailəmin haqqında şər-böhtan, bizi nüfuzdan salan fikirlər səsləndirib”, - deyə zərərçəkən bildirib.
Şikayətçi qohumlarının bu hərəkətlərindən sonra yaşadığı evin qarşısına kamera quraşdırdığını bildirib. O, həmçinin atasının intiharının araşdırıldığı dövrdə övladının Knyaz Abdullayev tərəfindən oğurlandığını və yalan ifadə verməyə məcbur edilərək videoya çəkildiyini deyib.
Knyaz Abdullayev isə əmisi oğlu Dilqəmin Şücaət və arvadının qohumları tərəfindən öldürüldüyünü iddia edib.
DİN-dən bildirilib ki, Ş.Abdullayevin müraciəti ilə bağlı araşdırma aparılır.
