Gəncədə FHN tərəfindən yoxlama keçirilib. Bu haqda 28 fevral tarixində Fövqəladə Hallar Nazirliyinə istinadən xəbər veririk.
Fövqəladə Hallar Nazirliyi Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi sənayedə və dağ-mədən işlərində təhlükəsizliyin təmin olunması istiqamətində səlahiyyətləri daxilində fəaliyyətini davam etdirir.
Agentliyin müfəttişləri tərəfindən Totanlı küçəsində fəaliyyət göstərən “KS-3579” markalı avtokranda plan üzrə yoxlama aparılıb. Nəticədə avtokranın istismar müddətinin bitdiyi, texniki nəzarətin təşkili üzrə cavabdeh şəxsin təyin edilmədiyi və kranın tam texniki və ekspertiza müayinəsindən keçirilmədiyi müəyyənləşdirilib.
Qanunvericiliyə uyğun olaraq, inzibati akt tərtib edilməklə avtokranın fəaliyyəti dayandırılıb.
