Gəncəli aktyor dünyasını dəyişib. Bu haqda 24 yanvar tarixində mədəniyyət işçisi Yusif Şeyxova istinadən məlumat veririk.
“Sehrli xalat” filmində baş rol ifaçısı Azər Qurbanov bir müddət əvvəl vəfat edib. Bildirilir ki, ömrünün son 30 ilini ABŞ-də yaşayan aktyor ağır xəstəlikdən əziyyət çəkirdi.
Qeyd edək ki, əslən Gəncədən olan Qurbanov 1955-ci ildə Balakən rayonunda anadan olub. Orta təhsilini Bakıda 225 saylı orta məktəbdə alıb. 7 yaşında “Bir məhəllədən iki nəfər” filmində debüt edib. Daha sonra “Əcnəbi qız” (1965), “Bizim oynadığımız dənizdə” (1967), ilk sovet-yuqoslav birgə filmi olan “Mavi quş, yolun açıq olsun” (1967) filmlərində rol alıb.
Mərhuma ən böyük uğuru “Sehrli xalat” filmindəki pioner Rəşid obrazı gətirib. Azər rusdilli olduğundan onu Yusif Şeyxov səsləndirib.
Qurbanov 1992-ci ildən ABŞ-nin Nyu-Cersi ştatının Şort-Hills şəhərciyində yaşayırdı. O, burada şəxsi bizneslə məşğul olurdu.
