Gəncə təmsilçisi məşqlərə start verib. Bu haqda 6 iyul tarixində Kəpəz televiziyasına istinadən məlumat veririk.
“Kəpəz” taktiki məşqlərlə yanaşı, fitnes çalışmalarına da başlayıb. Komandada yeni transferlər və klubla müqaviləsi olan futbolçular da heyətə qoşulur. Təmsilçimiz gündə 1 dəfə olmaqla ümumi dözümlülük məşqlərinə üstünlük verib. Bildirilib ki, braziliyalı oyunçu Junior Martins və icarə əsasında heyətə cəlb edilən sol cinah müdafiəçisi Rüfət Əhmədov da komanda ilə birgə hazırlıq keçir.
Bundan başqa, “Kəpəz” ön xəttə daha 3 futbolçu transfer etmək niyyətindədir. Əcnəbi futbolçularla yanaşı, rəqabəti artırmaq üçün komandaya yerli oyunçuların da cəlb edilməsi planlaşdırılır.
