Qalıqları Ağdərə rayonunun Artek kəndində aşkar edilən Birinci Qarabağ müharibəsində itkin düşmüş, sonradan şəhid olduğu məlum olan Samux rayon Qovlarsarı kənd sakini Münasib Mehdiyevlə vida mərasimi keçirilib.
Gencexeber.az-ın məlumatına əsasən, vida mərasimi şəhidimizin böyüyüb boya-başa çatdığı Qovlarsarı kəndində təşkil edilib. Mərasimində şəhidin doğmaları, rayon İcra Hakimiyyətinin rəsmiləri, hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər. Şəhid uğrunda canını fəda etdiyi torpağa tapşırılıb.
Mehdiyev Münasib Namaz oğlu 1975-ci ildə Samux rayonunun Qovlarsarı kəndində anadan olub. M.Mehdiyev 1992-ci ildə hərbi xidmətə yollanıb. Ağdərə rayonunda erməni daşnaqlarına qarşı fədakarlıqla döyüşüb. Həmin ilin iyul ayında itkin düşüb.1997-ci ildə onun şəhid olduğu məlum olub. Subay olan M.Mehdiyevə şəhidlik statusu verilib.
