Göygöl rayon avtovağzalının qarşısında yerləşən avtobus dayanacağı bərbad vəziyyətdədir.
Gencexeber.az-a şikayət ünvanlayan sakinlər bildirirlər ki, dayanacaq müasir şəhər görüntüsündən çox, sanki illər öncədən qalma bir qalıqdır. Dayancağın həm dam örtüyü, həm də ətraf hissələri qopub, demək olar ki, yararsız hala düşüb.
Burada nə yağışdan qorunmaq mümkündür, nə də təhlükəsiz şəkildə dayanmaq.
Hazırda sözügedən dayanacaq təhlükəsizlik baxımından da risk daşıyır. Yerli əhali aidiyyəti qurumlardan məsələni nəzarətə götürmələrini tələb edirlər.
