Gəncədə bir sıra məktəblərin şagirdləri “PISA 2025”in sınaq mərhələsinə cəlb olunublar. Bu haqda 24 may tarixində Regional Təhsil İdarəsinə istinadən xəbər veririk.
1, 11, 39 nömrəli tam orta məktəblərdə və 4 nömrəli xarici dil təmayüllü məktəb-liseydə PISA 2025 - Beynəlxalq Şagird Qiymətləndirilməsi Tədqiqatının sınaq mərhələsi keçirilib.
Qeyd edək ki, “PISA 2025”in sınaq mərhələsi Təhsil İnstitutu tərəfindən təşkil olunur. PISA ümumi təhsil müəssisələri üzrə 15 yaşlı şagirdlərin oxu, riyaziyyat, təbiət elmləri və yaradıcı düşünmə üzrə bilik, bacarıqlarını qiymətləndirmək, həmçinin onların real həyata tətbiq etmək qabiliyyətlərini müəyyənləşdirmək məqsədilə İqtisadi Əməkdaşlıq və İnkişaf Təşkilatı tərəfindən 3 ildən bir keçirilən beynəlxalq qiymətləndirmə tədqiqatıdır.
