Ədalət Partiyasının sədri, keçmiş Baş prokuror İlyas İsmayılov 87 yaşında vəfat edib.
Bu barədə teleqraf.cоm-a onun yaxınları məlumat verib.
Siyasətçi fevralın 17-də müalicə olunduğu Mərkəzi Klinik Xəstəxananın reanimasiya şöbəsində dünyasını dəyişib.
İ.İsmayılovun səhhətində xeyli vaxtdır problemlər olub. Partiya lideri insult keçirib, daha sonra komaya düşüb. Onun böyrəkləri də funksiyasını itirib.
Qeyd edək ki, İsmayılov İlyas Abbas oğlu 1938-ci il martın 20-də Tovuz rayonunda anadan olub. 1985-1990-cı illərdə Respublika prokuroru, 1992-1995-ci illərdə isə ədliyyə naziri kimi fəaliyyət göstərib. Milli Məclisin III və IV çağırış deputatı olub.
İ.İsmayılov 2001-ci ildən Ədalət Partiyasına sədrlik edib.
